Алматы қалалық мәслихатының 34-сессиясында қабылданған шешімге сәйкес, 6 қазаннан бастап қала тұрғындарының бір бөлігіне дәрі-дәрмектер тегін берілетін болды.
Қаулы кепілдендірілген тегін медициналық көмектің көлемін кеңейтуді көздейді. Енді мына диагноздары бар азаматтар жаңа препараттарды тегін ала алады:
🔹 бронхиалды астма – Тезепелумаб
🔹 псориаздық артропатия – Гуселькумаб
🔹 гипофосфатемиялық рахит – Буросомаб
🔹 ювенильді идиопатиялық артрит – Тофацитиниб
🔹 Крон ауруы – Ведолизумаб
🔹 шашыраңқы склероз – Офатумумаб
🔹 жүйелі склероз және склеродермия – Ритуксимаб
🔹 қалқанша безінің обыры – Селперкатиниб
🔹 өкпе обыры – Селперкатиниб
🔹 көптік миелома – Помалидомид
Мәслихат шешімі 2025 жылғы 19 қыркүйекте қабылданып, 6 қазаннан бастап күшіне енді. Жаңа шаралардың арқасында созылмалы және сирек кездесетін ауруларға шалдыққан азаматтар қымбат дәрілерді тегін алу мүмкіндігіне ие болды.