Моңғолия астанасында World Boxing нұсқасы бойынша өткен ерлер арасындағы Азия чемпионаты аяқталды. Қазақстан құрамасы жалпы есепте жеке-дара көш бастап, құрлықтың ең үздік командасы атанды.
Отандастарымыз турнирде 8 медаль еншіледі. Азия чемпионы атанған алтын иегерлері:
• Оразбек Асылқұлов (60 кг)
• Сабыржан Аққалықов (75 кг)
• Нұрбек Оралбай (85 кг)
• Айбек Оралбай (+90 кг)
Сондай-ақ, Төрехан Сабырхан (70 кг) күміс жүлдеге ие болса, тағы үш боксшымыз қола жүлдені қанағат тұтты. Осылайша, 4 алтын алған Қазақстан құрамасы басты қарсыласы Өзбекстанды (3 алтын) басып озып, медальдық есепте бірінші орынға табан тіреді.
Медальдық есеп (Топ-5):
1. 🇰🇿 Қазақстан — 4🥇, 1🥈, 3🥉
2. 🇺🇿 Өзбекстан — 3🥇, 2🥈, 1🥉
3. 🇮🇳 Үндістан — 1🥇, 1🥈, 4🥉
4. 🇯🇵 Жапония — 1🥇, 1🥈, 2🥉
5. 🇯🇴 Иордания — 1🥇, 1🥈, 1🥉